MANILA, Philippines — Upang makapagsimulang muli ang mga magsasaka na apektado ang kabuhayan sa pagputok ng Bulkang Taal ay hinikayat ng Department of Agriculture (DA) na isangla muna ang kanilang mga alagang hayop.
Nabatid na naglaan ang DA-Agriculture Credit Policy Council (ACPC) ng P10 milyon para magamit ng mga magsasaka at babayaran ng 50 percent ng kabuuang halaga ng market value ng kanilang alaga.
Maaari namang tubusin ng mga may-ari ang kanilang naisanglang hayop kapag balik na sa normal na kondisyon pero bibilhin ng kaukulang halaga ang kanilang naisanlang hayop.
Ang mga isinanglang hayop ay aalagaan sa Taal Livestock Care Emergency Operations Center sa Southern Tagalog Integrated Agriculture Research Center (STIARC) sa Lipa City para doon maibalik sa normal na kondisyon ang mga hayop lalo na yaong mga namayat dahil hindi nakakain ng maayos nang naiwan ng mga may-ari sa noong pumutok ang bulkan.