POGO ipapasara kapag ‘di nagbayad ng buwis
MANILA, Philippines — Kapag hindi nagbayad ng buwis sa gobyerno ay nagbanta ang ilang lider ng Kamara na ipapasara ang Philippine Offshore Gaming Operations (POGO).
Ginawa nina House Committee on Ways and Means Chairman Joey Salceda at House Minority leader Benny Abante Jr., ang banta matapos na iulat ng Bureau of Internal Revenue (BIR) na nakakolekta sila ng P1.79 bilyon mula sa POGOs simula sa unang siyam na buwan ng 2019.
Iginiit ni Salceda na ang nasabing koleksyon ay malayo sa collection target na P2 bilyon mula sa withholding taxes ng mga manggagawa ng POGO na aabot sa P24 bilyon kada taon.
Nilinaw naman ng BIR na tumaas ng P1.4 bilyon ang ang koleksyon nia ng September kumpara noong Agosto.
Kasalukuyan ay mayroong 218 POGO services providers at 60 Pagcor registered POGOs ang nag o operate sa bansa.
- Latest
