Public school health program inilunsad ni Mayor Joy
MANILA, Philippines — Pormal nang nailunsad kahapon ni Quezon City Mayor Joy Belmonte ang public school health program para higit na mapangalagaan ang kalusugan ng mga kabataang mag-aaral sa mga public schools sa lungsod.
Ito ay makaraang lumagda sa isang memorandum of agreement si Belmonte sa pagitan ng QC Division of City Schools, Philippine Dental Association-QC Dental Chapter, Novaliches Eye Center, QC Health Department, QC Medical Society Inc. para itaguyod ang naturang programa sa lahat ng mga pampublikong paaralan sa lungsod na may temang “Malusog na Kabataan, Maginhawang Kinabukasan”.
Nakapaloob sa naturang programa ang pag-iikot ng medical team sa mga public schools para magkaloob ng physical check up, dental check up at eye check up.
Oras na may makitang sakit sa mga bata ay irerekomenda sa ospital o health center para mapagkalooban ng libreng mga gamot batay sa pangangailangan ng sakit.
Target ni Belmonte na mabenepisyuhan ng programa ang may 250,000 public school kindergarten hanggang grade 4 pupil.
- Latest
