Oil price hike uli

MANILA, Philippines — Magpapatupad ngayong linggo ng dagdag sa presyo ng petrolyo ang mga kompanya ng langis makaraan ang tatlong sunod na linggong mga rolbak.

Ayon sa mga oil experts, nasa P1.40-P1.60 kada litro ang maaaring itaas sa presyo ng gasolina, P.70-P.80 sentimos kada litro sa diesel at P.90-P1 kada litro sa kerosene.

Una na ang Pilipinas Shell sa pag-aanunsiyo sa pagtaas sa presyo ng kanilang produkto na ipatutupad dakong alas-6:00 ng umaga  ng Martes.

Nasa P1.35 kada litro ang itataas ng kanilang gasolina, P1 kada litro sa kerosene at P.85 sa kada litro naman ng diesel.

Ang panibagong galaw sa petrolyo ay patuloy na dikta pa rin ng presyo ng inaangkat na petrolyo sa internasyunal na merkado.