Botohan ng party-list coalition sa Speakership, ‘di napagtibay

MANILA, Philippines — Bagama’t nagkaroon ng botohan ang 54 miyembro ng party-list coalition kung sino ang susuportahan at iboboto bilang susunod na magiging House Speaker sa pagbu­bukas ng 18th congress ay hindi naman ito napagtibay.

Sa naganap na bilangan, pinaghahatian ni dating DFA Sec. Alan Peter Cayetano at House Speaker Panta­leon Alvarez ang anim na boto; si Cong. Allan Lord Velasco ay nakakuha ng 11 boto habang si Cong. Martin Romualdez ay nakakuha naman ng majority votes na 29. Ang koalisyon ay may kabuuan na fifty-four votes.

Kaya’t isinantabi ng liderato ng koalisyon ang botohan dahil mas piniling hintayin nila ang pasya ng Pa­ngulong Rodrigo Duterte. 

Noong oras na iyon ay umiikot sa Samar ang Pa­ngulo kasama si Cong. Romualdez at ipinakikilala sa harap ng mga heneral sa isang kampo na susunod na magiging House Speaker. Nalulugod naman si Cong. Romualdez sa pagpapakilala sa kanya ng Pangulo at nagsabing kung siya nga ang mapalad na magiging House Speaker ay magi­ging pantay-pantay ang kanyang pagtingin sa kanyang mga kapwa congressman at walang ‘second class citizen’ na inirereklamo ng mga party-list members.