2 Koreano nahulog sa gusali sa Makati... kano tumalon mula sa ikaapat palapag ng condo sa Taguig
MANILA, Philippines — Nagpakamatay sa pamamagitan nang pagtalon mula sa ikaapat na palapag ng tinitirhang condominium sa Taguig City ang 64-anyos na si Charles Douglas Scott, American national.
Sa ulat ng Southern Police District (SPD), alas-2:20 ng madaling araw nang tumalon umano ang biktima sa kanyang condo unit sa Sapphire Building, Rosewood Pointe, Acacia Estates, Brgy. Ususan, Taguig City na bumagsak sa basement na naging dahilan ng agaran nitong kamatayan.
Samantala, sa Makati City ay natagpuan lasog ang mga katawan ng da-lawang Korean natio-nals na sina Sangjing Kim, 38 at Jang Jun, 35.
Sa inisyal na imbestigasyon ng pulisya, alas-5:45 ng umaga nang matagpuan ang bangkay ng mga biktima sa harapan ng tinutuluyan nilang hotel sa I’M Hotel na matatagpuan sa kanto ng Kalayaan at Makati Avenue, Brgy. Poblacion.
Ayon sa pulisya nagsasagawa sila ng patrulya sa lugar nang makarinig ng malakas na kalabog at nang puntahan ay nakita ang bangkay ng dalawang biktima na lasog ang mga katawan.
Patuloy ang imbestigasyon ng pulisya sa kaso kung ang dalawang Koreano ay tumalon o may naganap na foul play.
- Latest