Kahit nagdeklara ng tigil-putukan… PNP, AFP ‘di kampante vs NPA rebels
MANILA, Philippines — Mananatili pa rin sa pagbabantay ang Philippine National Police (PNP) at Armed Forces of the Philippines (AFP) ngayong panahon ng Kapaskuhan sa kabila ng anunsiyo ng New Peoples Army (NPA) na unilateral ceasefire.
Ayon kay PNP Chief Director General Oscar Albayalde, ipagpapatuloy pa rin nila ang internal security operations gayundin ang kanilang law enforcement operations kahit sa ngayon ay wala umano silang nakikitang movements mula sa pwersa ng NPA at pinaghahandaan nila ang anibersaryo ngayong Disyembre 26.
Anya, ang operasyon ng mga rebeldeng komunista ay factor para sa pagpapaigting ng kanilang security measures para ngayong panahon ng Kapaskuhan dahil banta ang mga makakaliwang grupo at sa terorismo kaya hindi maaaring maging relax ang kapulisan at ang militar.
Ang reaksyon ng PNP Chief ay kaugnay sa anunsiyo ng Communist Party of the Philippines (CPP) sa kanilang website na nagdedeklara ng pansamantalang unilateral ceasefire ngayong Kapaskuhan at para sa kanilang 50th Year Anniversary.
- Latest