3 gunrunner todas sa buy bust
MANILA, Philippines — Napatay ng mga otoridad ang tatlong pinaniniwalaang miyembro ng gunrunning syndicate nang manlaban umano ang mga ito sa armed buy bust operation kahapon ng madaling araw sa Port Area, Maynila.
Kinilala ang isang suspek na si Robert Pagtalun alyas Oteb, habang inaalam pa ang tunay na pagkilanlan ng dalawa pang napatay.
Sa ulat, bago nangyari ang shootout dakong alas-2:10 ng madaling araw sa Baseco Compound ay nagkasundo ang poseur buyer ng mga baril at ang tatlong suspek.
Habang magkakabayaran na ay nakahalata ang tatlong suspek na set up lang ang bilihan kaya’t bumunot umano ng baril ang mga suspek at pinutukan ang katransaksiyon na mga pulis hanggang sa magkapalitan na ng mga putok at nagsilutangan na ang mga nakaposteng back-up na at makipagputukan sa mga tumatakas na suspek sa bahagi ng Block 1, Gasangan, Baseco Compound kung saan sila bumulagta.
Nasamsam ng mga otoridad ang isang motorsiklo na walang plate number na ginamit; apat na iba’t ibang uri ng baril, na kinabibilangan ng Colt caliber .45 pistol, Taurus Black Widow caliber .9 mm revolver, North America Black Widow caliber .22 revolver, at isang kalibre .38 revolver; isang MK II hand grenade.
- Latest
