Taxi driver patay sa holdaper na pasahero

MANILA, Philippines — Sa tabi ng pinapasadang taxi natagpuan ang bangkay ng driver na si Francisco Escano, 62, may-asawa, ng Guisad, Ferguzon Road, kamakalawa sa Brgy. Irisan, Baguio City.

Sa ulat ng Cordillera Police, dakong alas- 12:15 ng madaling araw nang matagpuan ang bangkay ng biktima na tadtad ng mga saksak sa katawan, dibdib, leeg at tiyan sa tabi ng ipinapasada nitong taxi na isang Adventure (AYL 385) na may tatak na Four Star.

Pinaniniwalaang nanlaban ang biktima sa mga suspek kaya pinagsasaksak ito bago tuluyang nagsitakas na­bigong na matangay ang kinita na P 3,044.00  na itinago sa loob ng taxi ng biktima dahilan sa sobrang pagmamadali umano nang makitang paparating na mga otoridad sa lugar.