Pasig River lilinisin at bubuhayin
MANILA, Philippines — Pagtutulungan ng Pasig River Rehabilitation Commission (PRRC) at ang local ‘financial technology startup company’ na Cypher Odin Inc. ang paglilinis at muling pagbuhay sa Pasig River.
Lumagda na sa isang memorandum of understanding (MOU) ang mga opisyal ng PRRC at Cypher Odin Inc., para sa muling pagbuhay ng Pasig River sa pamamagitan ng pagkakaloob ng libreng serbisyo ng nasabing kumpanya.
Ang mga lumagda sa MoU ay sina Executive Director Jose Antonio Goitia, Deputy Executive Director for Operations Anshari Lomodag Jr., Deputy Executive Dir. for Finance and Administration Jimbo Mallari at Chief of Staff Gilbert Lozada ang kumatawan para sa PRRC.
Habang sa panig ng Cypher Odin Inc. ay pinamununan ng kilalang entrepreneur-environmentalist na Mariano Jose Diaz Villafuerte IV, na siyang chief executive officer (CEO) ng kumpanya; Director for Environmental Innovations Alfredo Lorenzo Roa at Marketing Consultant, Sanya Smith.
Lubos na pasasalamat si PRRC Executive Director Goitia sa Cypher Odin sa pakikiisa nito sa pagganap ng kanilang misyon at pagkakaloob ng libreng tulong para linisin ang 27-kilometrong haba ng Pasig River at mapanumbalik ang dati nitong ganda gamit ang makabagong teknolohiya.
- Latest
