Erap target ang illegal vendors at trapik
MANILA, Philippines — Susunod na tatargetin ni Manila Mayor Joseph Estrada matapos ang basura ay ang problema sa illegal vendors at buhul-buhol na trapiko sa lungsod.
Ito ang naging mensahe ni Estrada matapos makamit na 2nd placer ang Manila sa Over-All Most Competetive High Urbanized City sa lahat ng department heads kasunod ng direktibang mas maging agresibo pa sa paglilingkod sa mga residente ng Maynila.
Kaugnay nito ay inatasan ni Mayor Erap si Manila Traffic and Parking Bureau Chief Dennis Alcoreza na palakasin ang kampanya laban sa mga illegal parking, illegal terminals at mga colorum sa lungsod na madalas nagiging sanhi nang pagsisikip ng daloy ng mga sasakyan sa iba’t ibang parte ng Maynila.
Inatasan din ng alkalde si Alcoreza na maglunsad ng citywide operations laban sa mga obstruction, lalo na sa mga pangunahing lansangan, upang mapaluwag ang daloy ng mga sasakyan.
- Latest
