16-anyos ni-rape/slay ng adik

MANILA, Philippines — Bangkay na nang matagpuan kamakalawa ng gabi ang isang 16-anyos na dalagita sa Bago Gallera, Davao City, na inutusan lang magpa-cellphone load.

Ang biktima ay kinilalang si Rea Manila, Grade 11 student na ang bangkay ay natagpuan pasado alas-10:00 ng gabi sa bakanteng lote at balot ng plastic.Habang ang suspek ay kinilalang si alyas James na umano ay kilalang drug addict sa lugar.

Sa salaysay ng ina ng biktima na si Lea Manila, dakong alas-7:00 ng gabi nang utusan niya ang anak na magpa-load, subalit ilang oras na ang nakalipas ay hindi pa rin bumalik.

Dahilan para ito ay hanapin at makalipas ang tatlong oras na paghahanap ay ay nakita ito sa gilid ng kalsada 100 metro ang layo mula sa kanilang bahay ng nakababatang kapatid na lalaki na walang ng pang itaas na damit at sira ang underwear nito na binalot sa cellophane.

Itinuturong suspek si alyas James, dahil na nakita ang towel nito sa crime scene.