Tulak pa, tumba sa buy-bust
MANILA, Philippines — Bumulagta ang isang sinasabing kilabot na tulak ng shabu matapos umanong pumalag at manlaban sa mga otoridad sa isinagawang buy-bust operation laban sa kanya kamakalawa sa Silang, Cavite. Nakilala lamang sa alias “Lupin” ang napatay na suspek, nasa hustong gulang , nakasuot ng color red hoody jacket, blue sando at color red/black na short pants. Sa ulat ng pulisya, alas 5::00 ng madaling araw nang ikasa ang buy-bust sa Kaong-Bulihan Rd. Brgy. Kaong Silang. Isang pulis ang nagpanggap na buyer at bumili sa suspek ng shabu. Habang isinasagawa ang transaksyon ay nakatunog ang suspek na pulis ang kanyang kliyente kung kaya agad itong bumunot ng baril at pinaputukan ang mga kapulisan. Naging maagap naman ang mga otoridad na gumanti rin ng putok na siyang ikinasawi ng suspek. Narekober dito ang isang cal .38 Smith & Wesson rebolber, 3 plastic sachet ng shabu, at ang ginamit na buy-bust money.
- Latest