Obrero ginilitan sa videoke bar

MANILA, Philippines — Isang obrero ang ginilitan sa leeg ng kapwa niya kustomer sa isang videoke bar sa Brgy. Centro 09, Aparri, Cagayan, noong Sabado ng gabi.

Ang biktima ay kinilalang si Joseph Mirafuente, 27, na namatay noon din. Agad namang naaresto ang suspek na si Kevin Reyes, 24.

Batay sa salaysay ng mga tao sa lugar na bago nangyari ang krimen dakong alas-11:00 ng gabi ay nagpapalitan ng masamang titig ang biktima at suspek sa tuwing kakanta ang kanilang mga kasama sa videoke.

Napikon ang suspek at biglang nilapitan ang biktima at agad na ginilitan sa leeg.