NAIA palitan, MIA ibalik
MANILA, Philippines — Nakatakdang magsampa ng petisyon sa Kongreso ang kontrobersiyal na si Atty. Larry Gadon upang hikayatin ang mga mambabatas na maibalik sa dating Manila International Airport (MIA) na kasalukuyan ay Ninoy Aquino International Airport (NAIA) ang paliparan ng bansa.
Ayon kay Atty. Gadon, ang abogado na nagsampa ng impeachment case laban kay dating Chief Justice Ma Lourdes Sereno ang ngayoy NAIA na naipangalan sa dating yumaong Senador Benigno Aquino Jr. noong panahon ni dating Pangulong Noynoy Aquino.
Binigyang diin ni Gadon na hindi dapat ipangalan sa yumaong dating Senador Aquino ang NAIA dahil ito umano ang nagpasimuno sa pagtatag sa NPA at wala itong karapatan na ipangalan ang Pambansang Paliparan ng bansa.
Wala namang ginawa si Senador Aquino upang mapaganda ang Pilipinas, dahil nilinlang lamang umano nito ang taumbayan para gawing bayani ng bansa na nagbigay daan para maging Pangulo ng bansa ang asawang si dating Pangulong Cory Aquino.
Giit ni Atty. Gadon napapanahon na para ibalik sa dati niyang pangalan ang Pambansang Paliparan ng bansa dahil ito naman talaga ang orihinal na pangalan na Manila International Airport na pamosong pangalan, neutral at walang halong pulitika na madaling matatandaan ng mga turista na nagnanais na magbakasyon sa Pilipinas.
- Latest
