Palengke ng Taytay, nasunog
MANILA, Philippines — Nasunog ang pamihilang bayan sa Taytay sa Rizal na nagresulta sa pagkaabo ng tinatayang nasa P2-milyong halaga ng mga ari-arian at paninda sa loob ng palengke.
Nabatid mula sa Taytay Bureau of Fire Protection na dakong alas-3:00 ng madaling araw kahapon nang maganap ang sunog sa Public Market na matatagpuan sa Barangay San Juan ng nasabing bayan.
Sa inisyal na report, sinasabing nagmula ang sunog sa stall ng isang Arnold Adame, 52, negosyante, ngunit iniimbestigahan pa ng mga awtoridad ang pinagmulan nito.
Nadamay sa sunog ang nasa 20 pang stall sa loob ng palengke, bago pa nakontrol ang apoy dakong 5:04 ng madaling araw, at tuluyang naapula dakong 5:33 ng madaling araw.
Wala namang iniulat na nasugatan o nasawi sa naturang sunog.
- Latest