Articles of impeachment vs Sereno aprub sa Kamara
MANILA, Philippines — Sa botong 33 na yes at 1 ang no ay inaprubahan na ng House Committee on Justice ang 45 pahinang committe report at 56 pahina ng articles of impeachment laban kay Supreme Court (SC) Chief Justice Maria Lourdes Sereno.
Tanging si Quezon City Rep. Kit Belmonte ang tumutol sa nasabing botohan at iginiit na sa plenaryo na siya magsusumite ng kanyang written explanation sa naging boto.
Sa 27 allegations na inihain ni Atty. Larry Gadon, 24 dito ang isinama sa inaprubahang committee report kung saan kabilang dito ang grounds na culpable violations of the constitutions, graft and corruptions at other high crimes, gayundin ang resulta ng psychiatric evaluations ni Sereno. Nilinaw naman ni Committee chairman Reynaldo Umali, na bagamat hindi kasama ang resulta ng psychiatrict test ng punong mahistrado ay nagbigay ito ng indikasyon kaya nagkaroon ng pattern ang ganun ugali ni Sereno sa SC.
Kaagad namang isusumite sa rules committee ang articles of impeachment at may 10 araw ito para iakyat sa plenaryo, subalit dahil sa hanggang Miyerkules na lamang ang sesyon ng kongreso para sa kanilang lenten break ay posibleng sa Mayo na sa pagbabalik ng sesyon matalakay sa plenaryo ang impeachment complaint at pagkatapos ay kaagad iaakyat sa senado ang articles of impeachment na magsisilbing senate impeachment court.
Nilinaw naman ni Umali na kung madedesisyunan na agad ang quo warranto petition sa SC at mapaalis si Sereno nito ay magiging moot na ang lahat ng nangyaring proseso sa Kamara at kung hindi naman ay tuloy ang impeachment.
- Latest
