Dagdag-pension ng senior citizens, inapela
Sa ilalim ng panukala, itataas sa P1-libo ang buwanang pension ng mga nakakatanda at aalisin na rin ang mga requirements para sa pag-avail ng pension na ito kaya hindi na kailangang indegent o mahirap ang isang senior citizen para makinabang dito. File
MANILA, Philippines — Umapela sa Kamara ang mga senior citizens na aprubahan ang panukalang pagdadagdag sa kanilang pension.
Personal na nakiusap sa mga kongresista ang mga senior citizen para pagtuunan naman ng pansin ang kanilang kahilingan at pusuan ang Universal Pension bill.
Ang Universal Pension bill ay nasa House Committee on Population and Family Relatiions ni Laguna Rep. Sol Aragones.
Sa ilalim ng panukala, itataas sa P1-libo ang buwanang pension ng mga nakakatanda at aalisin na rin ang mga requirements para sa pag-avail ng pension na ito kaya hindi na kailangang indegent o mahirap ang isang senior citizen para makinabang dito.
Siniguro naman ni Aragones na ipapasa ng kanyang komite ang Universal Social pensiion bill.
Ayon sa kongresista, suportado niya ang panukala dahil lahat na ng senior citizen ay makikinabang dito.
- Latest
