MANILA, Philippines - Matapos ibasura ng Commission on Appointments ang nominasyon ni Department of Foreign Affairs (DFA) Secretary Perfecto Yasay Jr., ay itinalaga kahapon ni Pangulong Rodrigo Duterte bilang acting secretary ng Department of Foreign Affairs (DFA) si Undersecretary Enrique Manalo.
Ayon kay Presidential Spokesman Ernesto Abella, itinalaga ni Pangulong Duterte si Manalo bilang pansamantalang kalihim ng DFA habang hindi pa nakakapili ang chief executive ng permanenteng kapalit ni Yasay.
Si Usec. Manalo ay DFA undersecretary for policy bago hinirang na acting secretary ng DFA ni Pangulong Duterte kahapon.
Nagsilbi din itong deputy permanent represetantive sa United Nations sa New York at permanent representative sa UN sa Geneva bukod sa pagiging ambassador sa Belgium. Ang huling posting ni Manalo ay ang pagiging ambassador sa United Kingdom bago ito bumalik sa Manila ng italagang usec for policy.