HANOI, Vietnam - Sinabi ni Pangulong Rodrigo Duterte na dumating kahapon dito para sa 2-araw na working visit ay makakabuting magpahinga na muna si Sen. Leila de Lima at mag-day off muna dahil sa pagiging ‘aburido’ nito at pag-iisip ng kung anu-ano kasunod ng nangyaring riot sa loob ng Bilibid kahapon kung saan ay namatay ang isang drug lord at nasugatan ang 2 iba pa kasama ang convict na si Jaybee Sebastian.
“I think she’s breaking down.. If she continues yacking there, she will have na nervous breakdown,” wika pa ni Pangulong Duterte kahapon.
Magugunita na hinamon ni Sen. De Lima si Pangulong Duterte na ipaaresto na niya ito at ipakulong dahil ito naman ang gusto niyang mangyari.
“Anong gagawin ko sa kanya? I-recommend ko siya sa Viva Films or ABS-CBN,” wika pa ni Duterte.
Ang riot ay sumiklab sa loob ng Bilibid kahapon bandang alas7:40 ng umaga kung saan ay napatay ang convicted drug lord na si Tony Co, nasugatan naman sina Peter Co at Sebastian.