Karnaper pumalag sa aresto, dedo

MANILA, Philippines – Hindi nagpahuli ng buhay ang isang wanted person sa kasong carnapping nang ito ay manlaban sa mga pulis na aaresto sa kanya kahapon sa Mlang, North Cotabato.

Ang suspek na napatay ay kinilalang si Palo Sisneros ng Sitio Saranay, Brgy. San Vicente, Makilala, North Cotabato na may kasong carnapping.

Batay sa ulat, dakong ala-1:30 ng hapon nang puntahan ng mga pulis ang bahay ng suspek para ito ay arestuhin.

Subalit nang makita ng suspek ang paparating na mga pulis ay kanya umano itong pinaputukan na suwerteng walang tinamaan. Kaya’t gumanti ng putok ang mga pulis at napatay ang suspek.