MANILA, Philippines - Isang pinaghihinalaang notoryus na miyembro ng Pentagon kidnap for ransom gang ang nadakip kamakalawa sa isinagawang operasyon sa Brgy. Sampao, Isulan, Sultan Kudarat.
Ang nasakoteng suspek ay kinilalang si Said Giad alyas Maestro, may patong sa ulong P175,000.00.
Sa ulat, dakong alas-5:00 ng umaga nang masakote ng mga operatiba ng pulisya sa pakikipagtulungan ng Presidential Anti Organized Crime Commission (PAOCC) ang suspek sa nasabing lugar.
Ang suspek ay naging tauhan ng nasawing si Tahir Alonto, dating lider ng Pentagon KFR na kaalyado rin ng Al Khobar group ang, extortionist terror group sa Central Mindanao na nambibiktima sa mga negosyante sa sektor ng transportasyon at negosyo.