MANILA, Philippines - Inatado nang saksak ng isang mister ang sariÂling misis na mahimbing na natutulog sa loob ng kanilang silid kamakalawa sa Brgy. Bacolod, Carrascal, Surigao del Sur.
Namatay habang nilalapatan ng lunas sa Madrid District Hospital ang biktimang si Maricel Apillanes, 26-anyos, dahil sa mga tama ng saksak sa iba’t ibang bahagi ng kaniyang katawan. Habang tumakas ang mister nito na kinilalang si Aljohn.
Sa ulat ng pulisya, bandang alas-5:30 ng umaga nang maganap ang krimen sa silid ng mag-asawa sa Purok 4, Sitio Tabon-Tabon, Brgy. Bacolod, Carrascal ng lalawigan.
Nabatid na kasalukuyang mahimbing na natutulog ang misis nang bigla na lamang undayan nang sunud-sunod na saksak ng mister nito na tila sinapian ng masamang espiritu.
Narekober sa lugar ng krimen ang patalim na ginamit ng suspek sa pagpatay sa kanyang misis.