MANILA, Philippines - Upang hindi na umano maulit pa ang serye ng robbery/holdup sa Metro Manila kabilang ang pag-atake ng grupo ng ‘Ben Panday’ gang sa jewelry store sa SM Megamall sa Mandaluyong City noong Sabado ng gabi (Enero 26) maging sa Western Union sa Parañaque City kamakalawa at iba pa ay oobligahin na ni PhilipÂpine National Police-Supervisory Office for Security and Investigation Agency (PNP-SOSIA) Director P/Chief Supt Thomas Rentoy, bilang ‘uniform requirement’ sa pag-iisyu ng permit na pag-aarmas sa lahat ng mga guwardiya na sa mga malls at iba pang mga establisyemento partikular na sa Metro Manila.
Lumilitaw sa imbestiÂgasyon, na nagawang maÂlusutan ng mga papaÂtakas na kawatan na nanÂloob sa jewelry shop sa ground floor ng SM Megamall ang mga guwardiya ng Lambdan Security Agency dahilan wala itong mga armas.
Ang Lambdan Security Agency ay kabilang sa apat na security agency na nangangasiwa sa seguridad ng SM Megamall.
Nabatid sa opisyal na hindi lahat ng security agency ay pinag-aarmas ang kanilang mga security guards sa kahilingan na rin ng mga mall owner.