MANILA, Philippines — Nagposte ng parehong 2-0 record ang San Miguel at Pioneer Elastoseal Katibays papasok sa knockout quarterfinals sa Leg 3 ng PBA 3x3 First Conference Season 2 kahapon sa Robinson’s Las Piñas.
Pinatumba ng Beermen ang Ginebra Gin Kings, 21-14, at isinunod ang Blackwater Red President, 21-12, para bumida sa Pool B.
Nakasabit din ang Gin Kings sa quarterfinals nang talunin ang Red President, 18-17.
Tinakasan naman ng Katibays ang Leg 2 champions na Cavitex Braves, 16-15, bago lusutan ang Terrafirma Dyip, 19-17, sa Pool A papasok sa knockout stage.