Doncic sinapawan si Davis
DALLAS — Kumolekta si Luka Doncic ng 30 points, 9 rebounds at 8 assists para banderahan ang Mavericks sa 115-110 paggupo sa nagdedepensang Los Angeles Lakers bagama’t nagbalik na si Anthony Davis matapos ang 30-game injury absence.
Halata kay Davis ang pangangalawang sa una niyang laro matapos noong Pebrero 14 dahil sa kanyang right calf at heel injuries.
Tumapos ang eight-time All-Star ng 4 points lamang mula sa mahinang 2-of-10 fieldgoal shooting sa limiitadong 17 minutong paglalaro sa first half.
Sakit nakaupo si Davis sa second half at nanonood lamang si injured star LeBron James (sprained right ankle) sa sideline ay binura ng Lakers (35-24) ang 11-point halftime deficit para makalapit sa Mavericks (32-26) sa huling apat na minuto ng fourth period.
Hindi naman bumitaw ang Dallas, nakahugot kay Kristaps Porzingis ng 19 points bago nagkaroon ng sprained left ankle, para sa kanilang panalo.
Sa Milwaukee, umiskor si Giannis Antetokounmpo ng 27 points kasunod ang 24 markers ni Khris Middleton para igiya ang Bucks (36-22) sa 124-117 panalo sa Philadelphia 76ers (39-20) sa matchup ng dalawang Eastern Conference top teams.
Sa Boston, dinuplika ni Kemba Walker ang kanyang season-high na 32 points para sa 99-86 pagpapalamig ng Celtics (32-27) sa Phoenix Suns (42-17)
Sa Orlando, tumipa si Zion Williamson ng 23 points sa loob ng 23 minuto para akayin ang New Orleans Pelicans (26-33) sa 135-100 pagmasaker sa Magic (18-41).
- Latest
