2020 PBA top performers pararangalan ng PBAPC ngayon
MANILA, Philippines — Pararangalan ang mga top performers ng 2019 PBA season at 2020 bubble ngayon sa gaganaping PBA Press Corps virtual Awards Night sa TV5 Media Center.
Sasamahan nina champion coaches Tim Cone ng Barangay Ginebra at Leo Austria ng San Miguel sina Commissioner Willie Marcial at Board Chairman Ricky Vargas bilang special guests sa isang oras na event na handog ng Cignal TV. Host sina Rizza Diaz at Carlo Pamintuan at mapapanood ito ng live sa PBA Rush sa Lunes sa alas-7 p.m.
Ang Awards Night ay two-in-one ceremony dahil makakasama ng mga awardees noong nakaraang season ang kanilang mga bubble counterparts matapos ‘di matuloy ang awards night ng mga sportswiters na kumukober ng PBA noong nakatraang taon dahil sa paglaganap ng pandemic.
Si Cone, na naging utak sa makasaysayang Phi-lippine Cup championship ng Kings na ginawa sa kauna-unahang bubble setup sa Clark, Pampanga’ ang tatanggap ng Outstanding Coach of the Bubble award habang si Austria ay gagawaran ng 2019 Baby Dalupan Coach of the Year award matapos ihatid ang Beermen sa back-to-back titles noong 44th season kabilang ang record fifth straight all-Filipino crown.
Si Marcial naman ang gagawaran ng Mr. Executive at si Vargas ang napiling 2019 Danny Floro Executive of the Year. Ibibigay ang Bubble President’s Award sa lahat ng 12 PBA teams sa kanilang sakripisyo at all-out support para matuloy ang 2020 Philippine Cup.
- Latest
