Cabagnot may pasabog
MANILA, Philippines — Hindi lang sa basketball court may ibubuga si San Miguel Beermen shooting guard Alex Cabagnot dahil maging sa dance floor ay lalaban din ito.
Nakisali sa nauusong #DynamiteChallenge sa social media ang 9-time PBA champion kung saan umindak ito sa saliw ng hit song na ‘Dynamite’ ng K-Pop group na BTS.
Sa Instagram, habang naka-ice pack ang mga binti, inilabas ni Cabagnot ang kanyang natatagong dance skills at sinamahan pa ng caption na “Love wins #DynamiteChallenge #FirstTry.”
Tuwang-tuwa ang mga netizens sa ginawang Tiktok ng one-time Finals MVP na kasulukuyang nasa PBA bubble para sa pagpapatuloy ng 2020 Philippine Cup.
Laugh out loud emoji na lang naikomento ng veteran guard mula Barangay Ginerbra na si Mark Caguioa gayundin ang dating UST Tigresses stalwart Angge Tabaquero.
Sa ngayon ay hawak nina Cabagnot at buong Beermen ang 2-2 na baraha na nasa ikalimang puwesto ng standings sa ilalim ng Phoenix Super LPG at Rain or Shine Elasto Painters.
- Latest
