Chooks-to-Go 3x3 Presiden’ts Cup tatapusin ng 15-days sa bubble

MANILA, Philippines — Sa loob ng 15 araw ay inaasahang matatapos ang Chooks-to-Go 3x3 Pilipinas League President’s Cup sa loob ng ‘bubble’ sa  Inspire Sports Academy sa Calamba, Laguna.

Kabuuang 12 koponan sa pangunguna ng title favorite Family’s Brand Sardines-Zamboanga City Chooks ang lalahok sa torneong may premyong P1 milyon para sa magkakampeon.

“We’re holding the entire conference in one bubble. So full bubble set-up kami, full bio secure set-up,” ani league commissioner Eric Altamirano kahapon sa Philippine Sportswriters Association (PSA) webcast Forum. “So we are going to finish our five legs inside the bubble. Wala nang labasan ito. We’ll stay here in the next 15 days.”

Maghihigpit  si Altamirano sa pagpapatupad ng health at safety protocols para matiyak ang tagum-pay ng torneo. “Iyon ang priority talaga namin, to keep everybody safe. Si-yempre, we want to keep the bubble air tight. So we want to ensure na everybody that goes inside the bubble will be free from COVID virus.”

Matapos ang pre-season event noong Lunes, bubuksan ngayon ang regular games ng Chooks-to-Go President Cup at ang Grand Finals ay itinakda sa Oktubre 30.)