MANILA, Philippines — Ilagan City, Isabela Nagpahayag ng kahandaan ang host Ilagan City na bibigyan ng magandang laban ang back-to-back national champion Baguio City sa 2019 Philippine Sports Commission-Batang Pinoy Luzon Qualifying Leg na binuksan na kahapon sa Ilagan Sports Complex dito.
“Our athletes finished second in the recent 2019 Cagayan Valley Regional Athletic Association (CAVRAA) meet. So we are prepared for this competition. I’m sure we can provide a good fight,” sabi ni Ilagan City General Services head Ricky Laggui.
Bukod sa Ilagan City at Baguio City, inaasahan din ang hataw ng mga perennial champion Quezon City, Manila, Dasmariñas, Cavite, Laguna at Zambales.
Umabot sa mahigit 4,674 mula sa 119 local government units ang sumali sa taunang kumpetisyon para sa mga batang atleta na may edad 15-anyos pababa.
Bilang host, makakatanggap din ang Ilagan City ng mga sports equipments mula sa Philippine Sports Commission na ayon kay Laggui, malaki ang maitutulong para lalo pang palakasin ang kanilang sports development.
“With this equipments na iiwanan sa amin pagkatapos sa 7-day competition, sigurado akong malaki ang magiging pagbabago sa aming sports development. Salamat sa PSC,” dagdag ni Laggui.
Pinangunahan ni PSC commissioner Ramon Fernandez at Mayor Evelyn Diaz ang opening ceremonies kasama sina commissioners Charles Maxey, Arnold Agustin at Celia Kiram.
Kabilang ang athletics sa paglabanan sa 2019 edisyon. Ang iba pang sports ay swimming, basketball, chess, table tennis, archery, futsal, badminton, baseball, football, lawn tennis, boxing, dancesports, karatedo, pencak silat, sepak takraw, softball, volleyball, taekwondo at beach volleyball.