LOS ANGELES – Ipi-nagpag ni LeBron James ang kanyang karamdaman para magtala ng 24 points at akayin ang Cleveland Cavaliers sa 102-95 panalo laban sa Milwaukee Bucks.
Nagtala din ang reigning NBA finals MVP na si James ng 10 rebounds at 6 assists para ibangon ang Cleveland mula sa naunang kabiguan sa Chicago Bulls noong Sabado at patatagin ang kapit sa No. 1 seat sa Eastern Conference.
Pinaganda ng Cavaliers ang kanilang record sa 41-17 kasama ang 9-2 baraha sa kabuuan ng Pebrero.
“February is over, huh? Yeah, that stinks,” sabi ni James. “It’s been a great month for our team. We just played good basketball. We got back to Cavalier basketball and to our DNA, so it definitely helped a lot.”
Pinahalagahan naman ni Cleveland coach Tyronn Lue ang pagbabalik sa line-up ni James.
May 0-4 marka ang Cavs kapag wala si James ngayong season.
“What would anybody’s team be without their best player,” wika ni Lue kay James. “And with him being the best player in the world, he brings so much to our team. He’s just a winner. Anybody that goes to The Finals six straight times is a winner. He just makes everyone better, myself included.”
Kumamada si Kyrie Irving ng 25 points at 9 assists para pangunahan ang Cleveland, habang nagdagdag sina Derrick Williams at Kyle Korver ng 14 at 13 markers, ayon sa pagkakasunod at may 11 points si Richard Jefferson.
Samantala, nagbalik si Kevin Durant mula sa isang injury at humataw ng 27 points para pamunuan ang Golden State Warriors sa 119-108 panalo sa Philadelphia 76ers.