MANILA, Philippines – Sa paghaharap nina Manny Pacquiao at WBO welterweight champion Jessie Vargas ngayong November, isang pamilyar na mukha ang magi-ging commentator sa broadcast ng laban.
Kinuha ng Top Rank Inc., ang hahawak sa US broadcast ng laban, si Timothy Bradley Jr. para magbigay ng komento bilang bahagi ng panel of commentators.
Tamang-tama si Bradley para maging commentator dahil nakalaban na niya sina Pacquiao at Vargas na pareho niyang tinalo.
Sinilat ni Bradley, tubong Palm Springs, California, si Pacquiao sa kanilang unang paghaharap noong 2012 bago matalo sa sumunod nilang dalawang paghaharap noong 2014 at April 2016.
Si Bradley lang din ang tanging boxer na tumalo kay Vargas sa puntos noong 2015.
“We wanted to give the viewers a different perspective that informs and entertains and I think we have accomplished that with this fantastic team,” sabi ni Todd duBoef, president ng Top Rank. “The expert analysis from Tim will round this out perfectly as he is considered one of the best fighters in the world and has secured victories against both Pacquiao and Vargas.”
Sabik naman si Bradley na maging commentator ng laban.
“It is an honor to work in collaboration with such a respected crew on a historic night for Top Rank as they host their very own pay-per-view,” sabi ni Bradley. “I hope this is the first of many to come and look forward to seeing everyone on November 5.”
Kasama ni Bradley sa panel ang mga kilala nang ESPN commentators na sina Brian Kenny at Stephen A. Smith.
Kinuha ng Top Rank ang pagpapalabas ng Pacquiao-Vargas fight mula sa Thomas & Mack Center sa Las Vegas nang tanggihan ito ng HBO na siyang laging nagsasaere ng mga nakaraang Pacquiao fights. DM