MANILA, Philippines – Muling pamamahalaan ng Ateneo at Xavier School ang basketball clinics na inorganisa ng award winning na Best Center (Basketball Efficiency and Scientific Training Center.
Ilalatag ang Preparatory Levels 1-5 sa Aug. 29-Oct. 17 sa Ateneo covered courts sa Katipunan, Quezon City.
Ang mga klase tuwing Sabado ay nakatakda sa alas-8 hanggang alas-11:30 ng umaga.
Ang Levels 1-3 ay gagawin sa Xavier School simula sa Setyembre 5 hanggang Oktubre 17 sa ala-1 hanggang alas-4:30 ng hapon.
Ang klase sa Xavier tuwing Linggo ay magsisimula sa Agosto 30 hanggang Oktubre 18 para sa Levels 1-3.
Ang Best Center, itinataguyod ng Milo, ang isang Hall of Fame Awardee ng Philippine Sportswriters Association at Olympism awardee ng Philippine Olympic Committee para sa pagsisimula ng scientific basketball clinics sa bansa.