Dear Vanezza,
Isa po akong factory worker, 25 years old at dalaga pa. May naging ka-textmate ako. Isang linggo kaming nag-text bago kami nag-eyeball. Pagkatapos ay lagi na kami nagkikita hanggang sa sinagot ko na siya. Tuwing day off ko kapag Sabado ay nagkikita kami sa motel. Hindi na ako nakatanggi sa kanya at ibinigay ko ang aking sarili. Isang buwan kami laging nagmo-motel hanggang sa mabuntis ako. Iyan po ang problema ko ngayon. Nang malaman ito ng bf ko, hindi na siya nagpakita at ayaw nang sumagot sa text ko. Malapit nang isang buwan ang tiyan ko. Natatakot ako at baka mawalan ako ng trabaho kapag lumaki na ang tiyan ko at manganak ako. Ano ang gagawin ko? - Inday
Dear Inday,
Humingi ka ng tulong sa pamilya mo. Dahil sila ang makakaunawa at makakatulong sa iyo. Magtrabaho ka hanggang kaya. Meron naman SSS benefits para sa empleyadong buntis. Pwedeng mag-leave hanggang ikaw ay makapanganak. Huwag mo na ring asahan na magpapakita pa sa’yo ang ka-text mo dahil halatang tinatakbuhan niya ang pananagutan niya sa’yo. Sana’y nagsilbing aral sa iyo ang karanasan mo. Huwag basta-basta ipagkakatiwala ang sarili kung kani-kanino.
Sumasaiyo
Vanezza