Dear Vanezza,
Tawagin po ninyo ako Maricel, ako po ay 17 years old at isang college student. Tinanggalan po ako ni Papa ng celfone dahil nahuli niya na may bf ako. Hindi po kasi boto sina Papa at Mama sa nobyo ko. Gusto nila ay magtapos muna ako ng pag-aaral. Pero hindi ko naman po pinababayaan ang studies ko. Takot po sila Mama na baka mag-asawa ako agad. Pero malayo pa po iyon sa plano ng namin ng bf ko. Hindi rin po puwedeng dumalaw sa bahay namin si PJ na bf ko. Miss ko na po siya. Bantay sarado rin po ako ng mga utol ko sa campus namin kaya tuluyan na kaming walang communication ni PJ. Payuhan n’yo po ako.
Dear Maricel,
Makinig ka sa payo ng inyong mga magulang. Alam nila ang kanilang sinasabi. Minor de edad ka pa lang at ayaw nilang mapahamak ka. Kung talagang mahal ka ng iyong nobyo, rerespetuhin nila ang desisyon ng iyong mga magulang. Magtapos ka muna ng pag-aaral at huwag magmadali dahil makahahanap ka pa ng lalaking magmamahal sa iyo sa tamang panahon.