Dear Vanezza,
May friend po akong babae at very-very close kami. Kapag may problem siya, dumadaing siya sa akin at ganoon din ako sa kanya. Madalas din kaming mamasyal sa mall, kumain at manood ng sine. Holding hands pa kami ‘pag naglalakad. One time nanood kami ng sine ay sinubukan ko siyang halikan sa lips. Sinampal niya ako saka siya umalis. Hiyang-hiya ako sa mga taong katabi namin kaya lumabas na rin ako. Hindi ko akalain na gagawin niya ‘yon. Akala ko kasi “MU” mutual understanding” na kami. Kinabukasan hindi na niya ako kinikibo. Humingi ako ng sorry sa kanya pero ayaw niyang tanggapin. Kinalimutan na raw niya ang pagkakaibigan namin. Masama ang loob ko sa ginawa ko. Ano ang dapat kong gawin? - Treb
Dear Treb,
Mahirap magtiwala sa tinatawag na mutual understanding. Kailangan pa rin ang confimation kung mahal ninyo ang isa’t isa at hindi puwedeng pagbasehan ang salitang “akala”. At ipagpalagay na “MU” kayo, hindi mo rin dapat susunggaban na lang bigla ang babae. Pagsikapan mo na lang na suyuin siya at baka sakaling mapatawad ka niya. Kung hindi, masakit man ay wala kang magagawa kundi tanggapin ang kanyang desisyon na limutin ka na niya bilang kaibigan.