May Problema ang Anak

Dear Vanezza,

May problema po ako sa aking anak na lalaki. Iniwan siya ng kanyang ka-live-in at nasa akin ang dalawa nilang anak. Lagi po siyang umiinom. Parang ayaw na niyang mabuhay. Ano po kayang mabuting gawin para limutin na niya ang babaeng yun? Ang balita ko’y may iba ng kinakasama yung babae. - Loleng

Dear Loleng,

Ngayon niya kailangan ang tulong nyo bilang kanyang pamilya. Mas lalo ni’yong ipadama sa kanya ang inyong pagmamahal at pag-aalala. Ipaunawa ninyo na may mga anak siya na nangangailangan ng kanyang aruga at pagkalinga. Hindi dapat madamay ang mga bata sa kasalanan ng kanilang ina. Ipagpasalamat niya na hindi siya kasal sa babaeng yun. Hindi pa katapusan ng mundo makakatagpo pa siya ng babaeng matino na mamahalin siya anuman ang nakaraan niya.

Sumasaiyo,

Vanezza

Show comments