Sunshine, gumaling na ang sugat sa puso
Tuluyan na ngang naghilom ang sugat sa puso ni Sunshine Cruz sa kanyang dating asawang si Cesar Montano.
Ngayon nga kasi ay maayos na maayos na ang relasyon nila at naging kaibigan na rin niya ang ang partner ngayon ni Buboy na si Kath Angeles. In fact, madalas nga silang magkasama-sama lately lalo na nga sa family occasions. Kumbaga ay perfect example sila ng modern blended family.
“Time heals all wounds. I think it’s about time and I feel and I see that my kids are really very, very happy every time that they would go out with Kath and with Cesar,” pahayag ni Shine nang makapanayam ng entertainment press sa mediacon ng Unbreak my Heart.
In-acknowledge rin ni Shine ang good influence ni Kath kay Cesar. Aniya,“so, I think talaga kapag mabait ang partner, lalong babait ang tao. It’s really possible. Lahat naman tayo… kung ang Diyos nga nagpapatawad, bakit tayo hindi?”
She added, “and kung ang sugat naghihilom, ‘di ba, so bakit hindi ka rin maghi-heal from everything that has happened in the past?”
Samantala, thankful and honored si Shine na napabilang siya sa first collaboration project ng ABS-CBN and GMA 7 na Unbreak my Heart.
Feeling blessed din si Sunshine dahil tuluy-tuloy pa rin ang kanyang work. After ng afternoon series niya sa GMA 7 ay may kasunod nga agad ito, ang unang collaboration ng Kapamilya at Kapuso Network na Unbreak My Heart.
Noong una raw ay guest appearance lang siya at may ilang eksena lang sa Milan, Italy.
Kabilang din sa serye sina Laurice Guillen, Eula Valdes, Sunshine Cruz, Nikki Valdez, Romnick Sarmenta, Victor Neri, Dionne Monsanto, PJ Endrinal, Maey Bautista, Marvin Yap, at Mark Rivera, pati na ang up-and-coming young actors na sina Will Ashley, Jeremiah Lisbo, at Bianca de Vera.
Magsisimula na ang Unbreak My Heart ngayong May 29, 9:35 p.m., sa GMA Telebabad, Pinoy Hits, at I Heart Movies. Mapapanood din ito 48 oras bago ipalabas sa telebisyon sa GMANetwork.com, iWantTFC, at Viu simula Mayo 27.
- Latest
