Alex, iba sa showbiz persona!

Dahil yata sa matagal naming chikahan kahapon with our friends Marivic, Faye at Tet, kaya na-late ako sa kolum ko.

‘Katawa talaga ang mga blind item ni Pat-P Daza na mas marami pang chikang alam kesa sa amin nila Gorgy. Pero ang talagang tumatak sa isip ko ay ‘yung discovery tungkol kay Alex Gonzaga. ‘Pag wala pala ang showbiz persona ni Alex Gonzaga, isa siyang sweet at napakagalang na tao. At ‘yung pagiging caring niya na ipinadama kay Shalala nang maysakit ito.

Maging ako ay nagulat sa tulong ng Gonzaga family, kay Mommy Pinty sa pamamagitan ni Jun Lalin, ‘yung magalang na pagtawag ni Alex nang i-clear niya ang isang issue na sinulat ko, ‘yung sweetness ni Toni Gonzaga.

Kaya masasabi ko na kung anuman ang ginagawa ni Alex na ipinakikita niya as showbiz celebrity, iba sa talagang Alex Gonzaga the private person. At least na-clear sa grupo natin ang tunay na Alex Gonzaga. Kaya nga ako dahil mabait si Mommy Pinty, sweet si Toni, at magalang si Alex Gonzaga, love ko ang Gonzaga family.

Basta kung anuman ‘yung sinasabi nila na mga ‘kagagahan’ ni Alex, ok lang, huwag nating seryosohin. Sabi nga ni Benjie Paras huwag masyadong sensitive sa mga joke, take it as a joke, tawanan lang.