Nagbubunyi pa rin ang fans ni Yeng Constantino sa pagkapanalo nito bilang Best Supporting Actress at Best Original Song para sa pelikulang Write About Love na isa sa walong entry sa Metro Manila Film Festival.
Bale ba si Yeng din ang kumanta ng official sound track na Ikaw Ang Akin ng kanilang pelikula kaya two birds in bullet ang napanalunan ni Yeng.
Ito rin ang unang panalo ni Yeng sa movie acting. Napatunayan na hindi lang isa sa pinakamagaling na singer/songwriter si Yeng, kundi pinatunayan nitong magaling din siyang artista.
Wala rin duda ang pagkapanalo ng kanta bilang Best Original Song na ang sarap pakinggan dahil dama ang puso at emosyon niya sa naturang kanta.
Samantala, kamakailan lang ay dinipensahan ng Write About Love director na si Crisanto Aquino ang pagkakapanalo ni Yeng ng acting award. Marami-rami kasi ang nagre-react tungkol dito.
Ayon kay Direk ay nagulat nga raw siya sa galing ni Yeng na partida, hindi sumailalim sa workshop.