Lumipad patungong Japan sina Joseph Marco at Ritz Azul para sa isang horror movie na gagawin doon under Regal Entertainment na ididirek ni Easy Ferrer.
Ang title ng movie ay Hashira at sa Instagram post ni Joseph habang kausap ang writer-director pagdating sa Japan, “Learning Japanese is kinda tough but I’m enjoying every second of it. Konichiwa,” caption ng Kapamilya actor.
Huling napanood sa Regal horror movie na Pwera Usog si Joseph habang si Ritz ay sa sexy-comedy na Hopeless Romantic.
First directorial job ni Easy ang movie na Finding You na pinagbidahan nina Jane Oineza at Jerome Ponce. Isa rin siya sa sumulat sa Regal movie na The Annulment at iba pa bago binigyan ng directorial break ng Regal.
Manilyn at Janno kasado na ang balikan
Kasado na ang muling pagsasama sa pelikula ng dating reel and real couple na sina Manilyn Reynes at Janno Gibbs para sa Viva movie na Mang Jose.
Dekada otsenta nang sumikat ang loveteam nila hanggang sa nagkaroon na sila ng kani-kanyang asawa. “Si Manilyn ang favorite partner ko on screen,” pahayag ni Janno.
“Palagi namang masayang kasama sa trabaho si Janno,” saad naman ni Manilyn.
Makakasama nila ang singer-actor at boyfriend ni Thea Tolentino na si Mikoy Morales.