Moira sumugal sa ibang genre

Nakakapanibagong marinig si Moira dela Torre na kumakanta ng English song sa bago nitong kanta na Knots kung saan ka-duet niya ang singer na si Nieman. Mula ito sa Tarsier Records.

Umalis si Moira sa kanyang comfort zone at sumugal sa pagkanta ng pop. Ibang-iba ang pagkanta niya rito dahil buhay na buhay ang musika, masaya at mabilis ang beat, kumpara sa mga nauna niyang kanta na mabagal at may nakakalungkot o nakakaantok na tono. Ganunpaman, hindi pa rin nawala ang tatak ni Moira na laging may hugot sa mga kinakanta.

Samantala, marami naman ang humanga sa kanya sa katatapos lang na ABS-CBN Ball dahil sa super classy niyang look. Para siyang si Elsa ng Disney movie na Frozen dahil sa mahabang kapa nito sa likod. Si Sam Milby ang nagsilbi niyang escort sa nasabing event.

Si Moira ay malapit nang ikasal sa fiancé niyang si Jason Marvin na kapwa rin niya singer at songwriter.

Excited na tuloy ang kanyang fans na makitang suot niya ang sariling wedding gown.