Inigo hataw sa K-Pop sa bagong music video

Hanep si Inigo Pascual, number one agad sa top 10 countdown ng MYX Music Channel ang bago niyang kantang Lumang Tugtugin.

At heto pa, mas lalo pang nagkagulo ang fans nang ilabas ang music video ng nasabing kanta dahil magkasama sila roon ni Maris Racal.

Nagpakitang gilas sa K-Pop moves si Inigo, ang galing din ng concept na may makalumang tema.

May hatid na positive vibes ang kanta niyang ito at hinuhulaan na ng fans na maghi-hit din ito gaya ng kanta niyang Dahil sa Iyo kung saan milyong-milyun views ang views sa Youtube at laman na sa iba’t ibang istasyon ng FM radios.

Sina Maris at Inigo ay napapabalitang gagawa ng isang pelikula mula sa Spring Films na ang isa sa may-ari ay si Piolo Pascual.