DILG, bigong nagamit ang P577.05 milyon pondo sa COVID-19 response
MANILA, Philippines — Hindi umano nagamit ng Department of Interior and Local Government (DILG) ang P577.05 milyong pondo para sa pagtugon sa COVID-19 pandemic base sa 2021 taunang report ng Commission on Audit (COA) kahapon.
Ayon sa COA, ang ahensya sa ilalim ng pamumuno ni dating DILG Secretary Eduardo Año ay nabigong magamit ng buo o bahagi ng implementasyon para sa anti-COVID-19 projects at mga aktibidades ang nasabing pondo mula sa P4.038 bilyong nakalaan sa nasabing tanggapan.
Pinuna rin ng mga state auditors na ang target na mga contact tracers na i-hire ng DILG sa ilalim ng pondo alokasyon mula sa Bayanihan to Recover As One Act at General Appropriations Act 0f 2021 ay hindi nagamit ng buo.
Ikinatwiran naman ng pangasiwaan ng DILG sa COA na ang hindi nagamit na pondo ng Central Office ay nakalaan para sa hiring ng karagdagang mga administrative staff.
Inirekomenda ng COA ang tamang paggamit sa pondo sa pamamagitan ng sapat na pagpaplano at napapanahong implementasyon ng mga planong aktibidades sa panahong saklaw nito.
- Latest