Duterte kay Marocs: Ituloy ang mga proyektong nagpapasaya sa mga Pinoy
MANILA, Philippines — “Sana ay ipagpatuloy din ng susunod na administrasyon ang mga bagay na makapagpapasaya sa ating mga mamamayan. Although not all but may see sila that we are doing something with the money of the people.”
Partikular na tinutukoy ni Pangulong Rodrigo Duterte ang pabahay project para sa mga mahihirap tulad nang paggawad ng Madayaw Residences units sa Central Park, Bangkal, Talomo District sa Davao City.
Sinabi ni Duterte na ang mga housing unit na iginawad sa mga manggagawa ng estado, overseas Filipino workers at uniformed personnel kasama ng iba pang mga benepisyaryo, ay nagpapakita na ang pera ng gobyerno ay gumagana para sa mga tao.
“Ang programang low-cost housing ay ang paraan natin ng pagbabalik sa masisipag na unipormadong tauhan at mga lingkod-bayan. Ibig kong sabihin bumabawi lang rin ang gobyerno sa sakripisyo ninyo,” ani Duterte.
Muling binanggit ni Duterte ang 23 taong karanasan bilang mayor at alam niya ang mga programang dapat ibigay sa mga mamamayan.
Nanawagan din si Duterte sa National Housing Authority na paigtingin ang mandato nito sa pagtugon sa pangangailangan ng mga mamamayan.
Una nang sinabi ni Marcos na itutuloy niya ang mga programang nasimulan ni Pangulong Duterte gaya ng Build, build, build program at anti-drug war.
- Latest