Cong. Duterte sinuportahan si Marcos
MANILA, Philippines — Sinuportahan ni presidential son at 1st District Davao City Rep. Paolo “Pulong” Duterte ang kandidatura ni dating Senador Ferdinand “BongBong “ Marcos Jr., standard bearer ng Partido Federal ng Pilipinas (PFP) na ka-tandem ang kapatid na si Davao City Mayor Sara Duterte sa nalalapit na May 2022 national election sa bansa.
Sa katunayan sa campaign sortie nina BBM at Sara sa Batangas kamakalawa ay sumama si Pulong na nakitang madalas katabi at kausap ng una.
Ang tandem nina BBM at ng running mate nitong si Sara ay mistulang bagyo ang dating sa lakas ng pagtanggap ng kanilang mga supporters.
Sa kabila naman ng magkakasunod na tirada ni Pangulong Rodrigo Duterte kay Marcos na una na nitong sinabing supporter umano ng mga rebeldeng New People’s Army at hindi pa nakuntento ay sinabihan rin na isang spoiled brat at mahinang lider.
“Since from the start, BBM na po talaga ako,” pahayag ng presidential son nang matanong ng media.
- Latest
