P7.4 milyong shabu nasabat sa Clark
MANILA, Philippines — Nasabat ng mga tauhan ng Bureau of Customs at Philippine Drug Enforcement Agency (PDEA) sa Clark International Airport ang nasa 1.1 kilong shabu na nagkakahalaga ng P7,480,000.
Sinabi ni Customs Commissioner Rey Leonardo Guerrero, una silang nakatanggap ng impormasyon sa kanilang mga asset ukol sa pagdating ng isang shipment mula sa Lilingwe, Malawi na naglalaman ng iligal na droga.
Hinarang ng BOC katuwang ang PDEA ang kargamento na naglalaman ng dalawang unit ng Electric Air Pot Flask, ngunit nakasiksik sa loob ng mga ito ang limang pakete na naglalaman ng puting pulbos at nakumpirma na shabu nang isailalim sa laboratory analysis.
Patuloy ang imbestigasyon ng mga otoridad upang mabatid kung sino ang dapat padadalhan ng naturang kontrabando, nasa kustodiya na ng PDEA.
- Latest