Yulo sasalang sa Olympic qualifying
MANILA, Philippines — Tututok si Pinoy top gymnast Carlos Yulo sa nakatakdang qualifying events para sa 2028 Olympic Games sa Los Angeles, USA.
Sasabak si Yulo sa Olympic qualification para sa individual events sa 2027 World Championships sa Chengdu, China sa Setyembre at sa 2028 FIG Artistic Gymnastics World Cup Series at Continental Championships.
Minalas ang 2024 Paris Olympics double-gold medalist na makakuha ng medalya sa men’s floor exercise at vault finals ng katatapos lamang na 54th Artistic Gymnastics World Championships sa Rotterdam, Netherlands.
Pumuwesto si Yulo sa ika-walo sa floor exercise, habang pang-pito siya sa vault ng world meet.
Ang nasabing dalawang events ang pinagharian ng 26-anyos na tubong Leveriza, Manila sa Paris Olympics.
Nagmula si Yulo sa pagkopo sa mga gintong medalya sa floor exercise at vault ng nakaraang 20th Asian Games sa Aichi-Nagoya, Japan.
Bago ito ay sumalang muna si Yulo sa Asian Championships sa Zunyi, China kung saan siya nanalo ng gold sa floor exercise.
- Latest
