CEBU, Philippines — Sa usa ka dominanteng pagpakita sa puwersa, ang University of San Carlos Torpedo Warriors mipupo og kinatibuk-ang 70 ka medalya aron paghari sa tertiary division sa 23rd Cebu Schools Athletic Foundation, Inc. (CESAFI) swimming competition niadtong weekend didto sa USC-Swimming Pool.
Ang tadhang mga Carolinians milangkat og 39 ka golds uban ang 24 ka silver ug pito ka bronze medals aron paglugwa nga overall champion.
"Winning the championship in our own pool feels special. I am proud of my swimmers for winning all the gold medals in 39 events out of the 42 in the tertiary division," matud pa ni Torpedo Warriors head coach Atty. Jebb Lynus Cane, nga usa sab ka dekalibreng swimmer atol sa iyang panahon sa CESAFI.
"This has been the most dominant result a team has accomplished in recent CESAFI swimming history. We were able to attain this achievement due to our swimmers hard work and we hope we can carry this momentum so we can reclaim the crown in the National PRISAA next year," dugang pa ni Cane, usa ka bar topnotcher.
Sila si Jehaosh Reign Garrido ug Maria Angela Beatriz Cimafranca maoy nangu sa mainit nga ratsada sa USC uban ang pito ka bulawang medalya matag usa, lima ka individual ug tagurha sa relay events.
Sila si Reu Rome Franciose Tiu, Renz Wynn Corbin, Cecille Andrea Mole, ug Necie Grace Bullecer mikuha sab og atensiyon bitbit ang tagutlo ka golds, samtang si Renzo Mar Pahaganas mitunol og duha ka bulawan.
Ang ubang mga gold medalists sa USC mao sila si Isaiah Gorme, Kent Dominic Pedrano, Gil Anton Talisaysay, Fionna Alcoseba, Nicole Marie del Rosario, Eim Espina, Bencynt Ghail Luague, ug Althaea Mataragnon.
"We work hard for this. It was not easy for our athletes during training kay na-busy sad sila sa ilang midterm exams," dason pa ni USC Swim Team assistant coach Ronald Manlosa. "But mao na, basta maningkamot lang gyud, walay imposible. And we're very thankful sa USC Admin and Fr. Andring Ocariza, our athletic director, for his all-out support to us."