PSC Board kumpleto na
MANILA, Philippines — Nakumpleto na kahapon ang Philippine Sports Commission (PSC) Board.
Hinirang ng Malacañang si dating PBA player at Philippine women’s basketball team coach Fritz Gaston bilang ikaapat na PSC Commissioner.
Magsisilbi siya sa sports agency kasama sina chairman Richard Bachmann at Commissioners Bong Coo, Edward Hayco at Walter Torres.
Ang ama ni Chery Tiggo volleyball player Ponggay Gaston ay dati ring Games and Amusement Board (GAB) Commissioner.
Naging coach si Gaston ng Ateneo Blue Eagles noong 1988 at naghari sa UAAP tampok sina Olsen Racela, Jun Reyes, Danny Francisco at Jet Nieto na ama ng kambal na sina PBA players Matt at Mike.
Miyembro siya ng 1977 RP-Youth team na sumabak sa 4th Asian Youth Basketball Championship at naglaro sa PBA noong 1980 hanggang 1986 para sa U/Tex Wranglers, San Miguel, Crispa Redmanizers, Manila Beer at Great Taste.
- Latest